مشكلة وحل – موقع لونك
مسا الخير...الى موقع لونك بدي اكتب مشكلتي لعلي اوجد الحل وكمان بدي الكل يقرا مشكلتي منشان ما تصير مع حد غيري..
انا صبية متزوجة من 2 تقريبا الحمد اللة مبسوطة او بالاحرى كنت مبسوطة بحياتي الزوجية لحد ما دخل الشيطان بيتنا هو صديق زوجي ما رتحت لنظراتو من اول مرة شفتو نظرات لاقيت فيها قمة القرف والاحياء **** حاولت احكي لزوجي انو ما يدخلو للبيت بس بطريقة غير مباشرة وزوجي ما عم بفهمني ومع انو صديق زوجي كتير كشرت بوجو ومع تسميع حكي وهو بلا زوق ما بحس ومن جديد اجت مرتو بزيارة لعنا مع انو انا مش كتير حابة هاي الزيارة وبصراحة لاقيت انو مرتو كتير مغلوب على امرها انسانة بسيطة واكيد مغلبة معو انسانة لا بتحكي ولا بتشكي .
صديق زوجي باحد الايام بعرف انو زوجي منو موجود بالبيت وهو طلع لشغل يومين براة البيت مع هيك تجرا واجا دق الباب انا طبعا قبل ما افتح طلعت من عين الباب وعرفت انو هو هون سقعتو بهدلة نظيفة وكم كلمة واقفة لهدا الندل ومع هيك بعد ما رجع زوجي اجا لعنا .انا بطل براسي عقل خلقت مشكلي مع زوجي من ابسط الامور وروحت لبيت اهلي لئن خلص بطلت اطيق الوضع لا انا عم بئدر احكي لزوجي ولا عم بئدر اصبر اكتر .
يا هل ترا شو اعمل لمين احكي لاخوتي لدار عمي ما عم بعرف الشيطان خراب بيوت ممكن يخرب بيتي وانا واللة طاهرة وشريفة بخاف اللة كتير شو فكركو اعمل اعطوني الحل بخاف ان حكيت لزوجي انو يفكر الموضوع بالعكس انو بيانتنا شي وكمان الناس ما بترحم واللة زوجي ما في منو طيب كتير بس ما عم بعراف عقلاتو مدور وياما حكيتلو ما تجيب صحابك للبيت اسهر معهن براة البيت ...
بتمنا تنشرو الموضوع ممكن حد يكون عندو الحل وشكرا وبتمنا ما حد يوقع بهيك موقف .
