مشكله وحل - موقع لونك

السلام عليكم انا بنت عمري 23 سنة طلب يخطبني ابن عمتي عمرو 42 سنة وهو دكتور عايش ب* كندا بمنتريال*المشكلة هي انو ابن عمتي هو ارمل وعندو ولد عمرو 8 سنين وبنت عمرها 6سنين وهني عم بستنو الرد منا منشان اخرا شهرين نتجوز انا بالبداية استغربت كتير من طلب عمتي انو اكون مرة لابنها الدكتور وانو انا بلا ماخدة مش من قيمتهن الاجتماعية وبقولها باستحياء ابوي مدمن مخدرات وسمعتو كتير وسخة ومن شان هيك ما حدا علية القيمة تقدم لخطبتي منشان سمعة ابوي صار عمري 23 سنة وصرت اخاف انو تروح علي احنا بالبيت 2صبايا و3 شباب الحمد اللة اخوتي كلهن ملاح بشتغلو وعم ببنوا حالهن ومستقبلهن .انا خايفة كتير انو ابن عمتي بدو ياني لاكون بيبي ستر او تخدمو واخدم ولادو وبعدين فارق العمر كتير كبير .وكمان هو انسان كتير شايف حالو وبخاف انو يصير يعاملني معاملة مش مليحة ويصير يعايرني باهلي بقصد بابوي وفي مشكلة كمان انو انا صعب اتاقلم بعيشة كندا اللغة والحياة الاجتماعية.ما بعرف اختي بتقول انو اقبل منشان افتح الطريق للفرح بالبيت وبتقول انو ما راح تلاقي احسن بسبب سمع ابوي اخوتي واحد منهن رافض الفكرة وخايف علي اما التنين الباقين بقولو انت ختاري وهاي حياتك امي محتارة متليابوي لا حول ولا قوة الا باللة عايش بزمن اخر ولا سال ولا كاني بنتو مع انو هيك احسن بكرهو واللة بتمنالو الموت عيشنا سنين صعبة اشبة بالجحيم وازا انا حابة اتجوز واطلع برا بس منشان ما اشوف وجهو عفوا انا اسفة انو بحكي هيك عن ابوي بس والله انو ظلم امي كتير كان يضربها ويضربنا عشنا بالقلة فقرا. الحمد اللة بعد ما كبرو اخوتي اليوم بشتغلو وضعهن بجنن عم بعمرو وما بسمحولو يضرب امي ولا يقرب عليها .شو رايكو اقبل او ارفض يا ريت الي بدو يكتب نصيحة يكون عقد المسئولية ويحسبني وحدة بتخصو اخت او قريبة الو وشكرا